གྱེས་ཁའི་ལམ་མདོ།

ཚང་ཚིང་ནགས་ཀྱི་ཁྲོད་ན་ལམ་ཆུང་གཉིས།།
ང་རང་གཡས་འགྲོ་ཁྱེད་རང་གཡོན་འགྲོ་རེད།།
མཉམ་དུ་འགྲིམས་པའི་ལམ་ཐག་རིང་པོ་དེ།།
དགོད་སྒྲས་ཁེངས་ཀྱང་ད་ནི་སྐྱོ་བའི་རྒྱུ།།

ང་རང་གཡས་ལམ་འགྲོ་དགོས་བསྐོས་ཐང་རེད།།
ཁྱེད་རང་གཡོན་ལམ་འགྲོ་དགོས་འདམ་ག་རེད།།
ཐུན་མོང་ལམ་གཅིག་མེད་པའི་ནགས་གསེབ་ཏུ།།
རེ་བའི་བྱ་སྒྲོས་སྨོན་པའི་ཤིང་ལོ་བྲིས།།

སྙིང་གི་གཏིང་ནས་ཐོན་པའི་ཁ་རླངས་ཀྱིས།།
རླུང་ཁམས་ཧྲིལ་པོ་བརྩེ་བས་ཁྱབ་པར་བྱས།།
རྐང་གི་རུས་པ་དྲོད་པའི་ཟབ་ཚད་དེ།།
མིག་ཆུ་གྲང་མོས་ནམ་ཡང་མཚོན་ཐབས་དབེན།།