2015-11-10

རང་དབང་དབྱངས་སྒྲོག་མ།

ཀ་ཤ་མང་བའི་འཆར་སྣང་ཐང་ལ་ཤེའུ་ཆུང་མང་པོ་ལྡིང་བཞིན་རྩེ།།
ཁ་ཆར་ཁྲོད་ཀྱི་དངོས་ཡོད་འདི་ན་སེམས་པ་སྤྲིན་བཞིན་ལང་སེ་ལིང་།།
ག་ཤེད་ཅིག་ནས་ཡོང་བའི་ཁྱེད་རང་ཕྱི་མིག་མེད་པར་གཤེགས་ན་གཤེགས།།
ང་རང་སྒྱུ་མའི་དབྱངས་ལ་བཞོན་ཏེ་སྙན་ངག་ཞིང་ཁམས་མྱུལ་ནས་འགྲོ།།
 
ཅ་ག་བྱས་པའི་སེམས་ཀྱི་ཤེལ་བུམ་ཧོབ་སྟེ་ཐང་ལ་ལྷུང་བཞིན་དྲིལ།།
ཆ་ལ་ཡོང་བའི་འགྲུལ་རོགས་དེ་ཡང་ད་ནས་འགྲོ་བར་མི་གཏུབས་ཟེར།།
ཇ་ཆང་འདོད་རྒུའི་ཕ་རོལ་དེ་ན་གཅིག་གིས་ང་ལ་བསྒུགས་ཡོད་པས།།
ཉ་ཆུ་ལྟ་བུའི་བརྩེ་དུང་ཡོད་ཀྱང་ང་རང་སྙན་ངག་ལྷན་དུ་འགྲོ།།